«Тілдарын» облыстық тілдерді оқыту орталығының оқытушылары С.Д.Бекбусинова мен А.М.Доспанова латын графикасына негізделген қазақ тілінің жаңа алфавитін түсіндіру, жалпы ақпарат беру мақсатымен 2017жылдың 17 қарашасы күні Қазақстан Республикасы ішкі істер министрлігі қылмыстық-атқару жүйесі комитетінің Қостанай облысы бойынша қылмыстық-атқару жүйесі департаментінің қызметкерлерімен кездесу өткізді. Орталық оқытушылары өз сөздерінде латын әліпбиінің ұтымды жақтарын айтып, оның заман талабы екені туралы сөз қозғады.
Бұл кездесуге 30-дан астам қатысушы жиналып, өздерінің көкейлерінде жүрген сұрақтарын ортаға салып, пікірлесіп отырды. Кездесу соңында латын әліпбиін қолдана отырып, практикалық жаттығулар орындады. Қатысушылар берілген мәліметтерді түсініп қызығушылықпен қабылдап, белсене қатысып отырды.