2022 jylǵy 31 mamyr – 1 maýsymda Qostanaı oblysy ákimdigi mádenıet basqarmasynyń «Tildaryn» oblystyq tilderdi oqytý ortalyǵynyń uıymdastyrýymen «Órleý» BAUO AQ fılıaly Qostanaı oblysy boıynsha kásibı damý ınstıtýty bazasynda «Oqytýdyń mazmuny: tildik daǵdylar jáne ınovasıalyq strategıalar» taqyrybynda 2 kúndik oblystyq semınar joǵary deńgeıde ótti.
Semınar maqsaty men mindetteri: ekinshi tildi oqytýda oqytýshylardyń oqý jáne oqytý úderisindegi kásibı quzirettiligin qalyptastyrý; tildik daǵdylardyń erekshelikterine sáıkes oqytý; strategıalardyń bilim sapasyn arttyrýdaǵy mańyzdylyǵyn anyqtaý; oqytý úderisinde ınovasıalyq strategıalardy qoldana alý.
Semınarǵa óńirdegi aýdandyq, qalalyq tilderdi oqytý ortalyqtarynyń ádisker-oqytýshylary, til mamandary barlyǵy 64 adam oflaın jáne onlaın formatta qatysyp, óz biliktilikterin arttyrdy.
Atalǵan semınardyń spıkerleri retinde Jýsýpova Galıa Saparbekovna – «Órleý» BAUO AQ fılıaly Qostanaı oblysy boıynsha kásibı damý ınstıtýtynyń kafedra meńgerýshisi – «Qazaq tilin oqytýdyń erekshelikteri. Tildik daǵdylarmen jumys. Mátinmen jumys jasaý joldary», Sergazına Zeınegýl Djýmadılovna – «Qostanaı qalasy bilim bóliminiń №18 mektep-gımnazıasy» KMM qazaq tili men ádebıeti páni muǵalimi – «Ózge tildi ortada qazaq tilin úıretýdiń ınovasıalyq strategıalary», Ahmetkalıeva Alıa Mırashovna – Lısakov qalasy bilim bóliminiń №3 JBBM mektep dırektory – «Memlekettik tildi oqytýdaǵy ádistemelik quraldar» taqyrybynda praktıkalyq trenıń ótkizdi.
Jalpy eki kúndik oblystyq semınar qorytyndysy boıynsha qatysýshylar ózara tájirıbe almasyp, joǵary belsendilik tanytty. Barlyq qatysýshylarǵa Sertıfıkat tabystaldy.
