ҚР Мәдениет және спорт министрлігі Тіл саясаты комитетінің тапсырмасымен Ш.Шаяхметов атындағы «Тіл-Қазына» ұлттық ғылыми-практикалық орталығы 2019 жылғы 25 қыркүйекте «БАҚ кеңістігіндегі терминдер: тәжірибесі және теориясы» тақырыбында әдістемелік онлайн семинар өткізді.
Онлайн семинарда «Қазақстан» ұлттық арнасының бас редакторы Қ. Олжай, Л.Н.Гумилев атындағы Еуразия ұлттық университетінің доценті, ф.ғ.к. Б.Иманғалиев, әл-Фараби атындағы Қазақ ұлттық университеті Журналистика факультетінің деканы, ф.ғ.к, доцент С.Медеубек, Е.Бөкетов атындағы Қарағанды мемлекеттік университеті Қазақ тіл білімі кафедрасының профессоры, ф.ғ.д. А.Әділова, Қ.Жұбанов атындағы Ақтөбе өңірлік мемлекеттік университеті Филология факультетінің доценті, ф.ғ.к. Б.Қарағұлова, А.Байтұрсынов атындағы Қостанай мемлекеттік университетінің аға оқытушысы А.Шурентаев баяндама жасап, БАҚ терминдерінің қордаланған мәселелері төңірегінде ой өрбітті.
Аталған іс-шараға орталық басшысы Ж.Ербатырова, әдіскер А.Нұрбекова мен оқытушы А.Миркемелова қатысты.