Ұлы Жеңіс мерекесі қарсаңында облыстық «Тілдарын» тілдерді оқыту орталығында ағылшын тілінің оқытушысы Л. Ерденова “The Great Victory Day” тақырыбында ағылшын тілі курсының тыңдаушыларына арналған ашық сабақ өткізді.
Сабақтың мақсаты – өз халқының тарихы мен ерліктеріне деген сүйіспеншілік пен патриоттық сезімдерін тәрбиелеу арқылы өзге тілді коммуникативтік дағдыларды дамыту.
Сабақ өткізу үшін Ерденова Л. әскери-патриоттық жұмыстың жасына сәйкес формалары мен әдістерін таңдап алды. Сабақ барысында курс тыңдаушылары ағылшын тілінде, өздерінің туған-туыстары, Ұлы Отан соғысының ардагерлері, соғыс майданында адал шайқасқан және Отан үшін адал еңбек еткен жерлестері туралы айтып берді.
Сабақтың әр түрлі формалары, әдістері мен тәсілдері – диалогтар, рөлдік ойындар, ойын технологиялары, осы тақырып бойынша сөздік қорын байытуға және Ұлы Отан соғысы тақырыбына ағылшын тілінде өз пікірлерін айтуға мүмкіндік берді.