2020 jylǵy 02 maýsymda «Tildaryn» oblystyq tilderdi oqytý ortalyǵynda Qostanaı oblysy ákimdigi tilderdi damytý basqarmasy basshysy G.Mendekınovanyń qatysýymen jıyn ótti.
Atalǵan jıynda basqarma basshysynyń aldynda ortalyq basshysy J.Erbatyrova aǵymdaǵy jyldyń 1 sáýiri men 1 maýsym aralyǵynda qashyqtan oqytý barysynda Zoom platformasy arqyly atqarylǵan jumystar týraly esep berdi.
Jıyn barysynda basqarma mamandaryna Zoom platformasyn qoldaný nusqaýlyǵymen, ID kod ashý, paról berý jáne platformanyń qosymshalaryn durys paıdalana bilý týraly ortalyq ádiskeri A.Nurbekova túsindirdi.
Basqarma basshysy G.Mendekınova qashyqtan oqytýda ortalyqtyń atqaryp jatqan jumysyna oń baǵa berip, aldaǵy ýaqytta da nátıjeli jumys isteýge baǵyt-baǵdar berdi.