23 jeltoqsanda «Nur Otan» partıasy janyndaǵy «Miras» respýblıkalyq qoǵamdyq keńesiniń memlekettik til máselesi boıynsha jumys tobynyń beınebaılanys rejıminde otyrysy ótti.
Atalǵan is sharaǵa ortalyq aparattan «Miras» respýblıkalyq qoǵamdyq keńesiniń tóraǵasy, QR Parlamenti Májilisiniń depýtaty B.Tleýhan, QR Mádenıet jáne sport Vıse-mınıstri N.Dáýeshov, Qoǵam qaıratkeri, jazýshy, pýblısıs Aldan Smaıyl qatysty.
Jergilikti jerden «Nur Otan» partıasy Qostanaı oblystyq fılıaly tóraǵasynyń birinshi orynbasary E.Kúzenbaev, Tilderdi damytý basqarmasynyń basshysy G.Mendekınova, «Miras» aımaqtyq keńesiniń músheleri, partıa ardagerleri, «Tildaryn» tilderdi oqytý ortalyǵynyń basshysy, til basqarmasynyń jaýapty qyzmetkerleri, úkimettik emes uıymdardyń ókilderi qatysty.
Jumys toby otyrysynda: memlekettik tildi biliktilik talaptaryna sáıkes meńgerýi mindetti kásipterdiń, mamandyqtardyń jáne laýazymdardyń tizbesin zańdy túrde bekitý týraly; «Qazaqstan Respýblıkasyndaǵy Til týraly» Zańyndaǵy 21-baptyń oryndalýy týraly; tilderdi oqytý ortalyqtary jumysynyń tıimdiligi týraly máseleler talqylandy.