5 qyrkúıek Qazaqstan halqy tilderi kúnine oraı «Tildaryn» oblystyq tilderdi oqytý ortalyǵynyń oqytýshysy Aınur Jomartqyzy Nurbekova S1 deńgeıi boıynsha «Sıfrlyq Qazaqstan» taqyrybynda ashyq sabaq ótkizdi.
Ashyq sabaqqa Polısıa departamenti men Tótenshe jaǵdaılar departamentiniń qyzmetkerleri qatysty. Ashyq sabaqta sabaq qurylymynyń 4 áreketine sáıkes oqylym, tyńdalym, jazylym, sóılesim bólikterinde sıfrlyq tehnologıa týraly jańa, tyń málimetter usynyldy.
Oqytýshy sıfrlyq tehnologıa týraly oqylym mátininde «Bıtkoın», «3d prınter» týraly málimet berip, jazylymda Y.Altynsarınniń «Óner, bilim – bar jurttar» atty óleńin jańa zaman beınesin ashatyn mysaldarmen salystyra taldaý jasatsa, tyńdalym bóliginde «Densaýlyq júıesin sıfrlandyrý» atty taqyrypta kahoot ınternet júıesi arqyly test tapsyrmalaryn oryndatty. Al sóılesimde «Betpe bet» baǵdarlamasy ótkizilip, sarapshylar ótken taqyryp boıynsha berilgen suraqtarǵa jaýap berildi.
Sondaı-aq, sergitý sátinde qatysýshylar Qazlatyn.kz portalynyń konverter bóliminde til týraly maqal-mátelderdi jazyp, konvertasıa jasaý arqyly lezde latyn qarpine kóshirýdi úırendi.