2021 jylǵy 25 tamyzda Qostanaı oblysy ákimdiginiń tilderdi damytý basqarmasynyń uıymdastyrýymen Tobyl qalasynda QR Konstıtýsıasy kúni qarsańynda «Táýelsizdik – baǵa jetpes baılyǵym» atty onlaın formatta oblystyq baıqaýy ótti.
Atalǵan oblystyq baıqaýǵa Qostanaı oblysy ákiminiń orynbasary Baqyt Amangeldiqyzy Esimova qatysty. Baıqaýǵa oblystyq basqarmalardyń, aýdandyq prokýratýranyń, ishki ister departamentiniń, qalalyq sottyń, qalalyq máslıhattyń, qala, aýdan, aýyl ákimi aparattarynyń qyzmetkerleri qatysty.
Baıqaýdyń maqsaty: memlekettik qyzmetshilerdiń arasynda memlekettik tildiń qoldanylý aıasyn keńeıtý;
Qazylar alqasy:
- QR Memlekettik qyzmet isteri agenttiginiń Qostanaı oblysy boıynsha departamentiniń memlekettik qyzmet basqarmasynyń basshysy Álıa Serikbaıqyzy OSPANOVA;
- Qostanaı oblystyq tarıhı-ólketaný mýzeıi basshysynyń orynbasary Elmıra Ergeshqyzy ALSHYMOVA;
- «Tildaryn» tilderdi oqytý ortalyǵynyń ádiskeri, fılologıa ǵylymdarynyń magıstri Aınur Jomartqyzy NURBEKOVA.
Qazylar alqasynyń sheshimimen 1 oryn Qostanaı qalalyq sotynyń jetekshi mamany Ámirǵalı Nursultan Janaıulyna, 2 oryn Arqalyq qalasy Selınnyı aýyly ákimi aparatynyń bas mamany Shoqpatov Azathan Gafýrulyna, 3 oryn Qostanaı aýdany prokýratýrasynyń bas mamany Serik Saǵdat Daıyrjanulyna berildi, jeńimpazdar dıplommen marapattaldy. Barlyq qatysýshylarǵa alǵyshattar tabystaldy.