2020 jyldyń 14 aqpany kúni «Tildaryn» oblystyq tilderdi oqytý ortalyǵynda memlekettik tildi oqytý kýrsynan ótken qyzmetkerler arasynda «Úzdik tyńdaýshy» atty baıqaý ótti.
Baıqaýdy ótkizýdiń maqsattary: memlekettik tildi oqyp, jetik meńgergen qyzmetkerlerdi anyqtaý, qoldaý, marapattaý; tildi meńgerý quzirettiligin, jumys barysynda qoldaný deńgeıin jáne óz oıyn jetkize bilý dárejesin anyqtaý; memlekettik tildi oqytý úderisinde sabaqqa belsendi qatysqandardy yntalandyrý; memlekettik tildi qyzmet kórsetý barysynda jetildirý; memlekettik til saıasatyn memlekettik qyzmette nasıhattaý, mártebesin kóterý, qoldaný aıasyn keńeıtýkeri baılanys ornatý.
Baıqaýǵa memlekettik organdardan 9 qyzmetker qatysty.
Baıqaý «Men óz elimniń patrıotymyn» (ózin-ózi tanystyrý), «Qujat aınalymy» (kez kelgen is qaǵazdaryn memlekettik tilde rásimdeý), Test tapsyrmalaryn oryndaý (tyńdalym tapsyrmalary – 3, leksıka-gramatıkalyq tapsyrmalar – 4, oqylym tapsyrmalary – 3), «Daryndylar dodasy» (upaı sany kórsetilgen uıashyqtardyń bireýin tańdap, berilgen taqyryptar boıynsha suraqqa jaýap berý) dep atalatyn kezeńderden turdy.
Baıqaý nátıjesi boıynsha birinshi orynǵa Qostanaı oblysy boıynsha MKQB qyzmetkeri Erkebulan Hamzın, ekinshi orynǵa Qostanaı oblysy ákimdiginiń ekonomıka jáne búdjettik josparlaý basqarmasynyń qyzmetkeri Marjan Seıdahmetova, úshinshi orynǵa Qostanaı oblysy PD JAQJ qyzmetkeri Talǵat Nurahmetov pen QR İİM Sh.Qabylbaev atyndaǵy Qostanı akademıasynyń qyzmetkeri Ulanbek Sársenov ıe boldy jáne 5 tyńdaýshyǵa alǵys hat tabystaldy.