24 qazan kúni elimizdiń astanasy Nur-Sultanda QR Mádenıet jáne Sport mınıstrligi Til saıasaty komıteti Sh.Shaıahmetov atyndaǵy «Til-Qazyna» ulttyq ǵylymı-praktıkalyq ortalyǵynyń uıymdastyrýymen Tuńǵysh ret Til forýmy bolyp ótti.
Til forýmyn QR Mádenıet jáne sport mınıstri A.Raıymqulova ashyp berdi. Til forýmy aıasynda «Jahandaný jáne ulttaný úderisindegi qazaq tiliniń ómirsheńdigi» taqyrybynda plenarlyq májilis, «Ǵylym, bilim jáne til», «Memlekettik til bolashaǵy – jastar bolashaǵy», «Bıznes jáne til», «Zań jáne til», «BAQ jáne til», «Óńirlerdegi tildik ahýal» pikir alańdary, respýblıkalyq ortalyq komýnıkasıalar ortalyǵyndaǵy brıfıń, kórme tárizdi is-sharalar júrgizildi.
Til forýmyna Qostanaı oblysynyń delegasıasyn basqarma basshysy Gúljan Ermashqyzy Mendekınova bastap bardy. Delegasıa quramynda josparlaý, taldaý jáne aqparattyq tehnologıalar bóliminiń basshysy Kenjeǵalı Ámirǵalıuly Bımaǵanbetov, «Tildaryn» tilderdi oqytý ortalyǵynyń basshysy Juldyzaı Qabdilmájıtqyzy Erbatyrova, Rýdnyı qalalyq tilderdi oqytý ortalyǵynyń dırektory Janna Ermanqyzy Janbýrshına bar.
Til forýmynda Qostanaı oblysy boıynsha tilderdi oqytý ortalyqtarynyń ádisker-oqytýshylary ázirlegen latynnegizdi álipbı men onyń emle erejelerin nasıhattaýǵa, latyn qarpinde oqý-jazý daǵdysyn qalyptastyrýǵa arnalǵan oqý-ádistemelik, kómekshi quraldar men dıdaktıkalyq materıaldardan kórme uıymdastyryldy.