2019 жылдың 29 тамызында «Тілдарын» облыстық тілдерді оқыту орталығының қызметкерлері Қазақстан Республикасы Конституциясы күніне орай «Тіл – тұғырым» акциясын өткізді. Аталған акция «Қостанай плаза» ойын-сауық орталығының алаңында өтті. Акцияның мақсаты: ҚР Конституциясының маңыздылығын түсіндіру, оған ерекше құрметпен қарау және мемлекеттік тілдің қолдану аясын кеңейту, тіл мәдениетін көтеру, сонымен қатар тілді үйренуге ниет білдірген азаматтарды мемлекеттік тіл және ана тілдері курстарына өтініш бойынша қабылдау болып табылады. Акция барысында тұрғындарға латын әліпбиін қалай меңгеруге жайлы түсіндіру жұмыстары жүргізіліп, жаңа әліпбимен шығарылған парақшалар таратылды. Қала тұрғындары қызығушылық танытып, қазақ тіліндегі сөздерді латын қарпімен жазып үйренді.
