22 шілде мен 2 тамыз аралығында «Тілдарын» облыстық тілдерді оқыту орталығында өтіп жатқан «Jańa álіpbı negizindegi qazaq tili emlesin meńgertý» атты 24 сағаттық қысқа мерзімді курсты ІІІ лек тыңдаушылары тәмамдады.
Курсқа Қостанай облысы әкімінің аппараты, Статистика департаменті, Полиция департаменті, Ұлттық Қауіпсіздік Комитеті, Қостанай облысы табиғи ресурстар және табиғат пайдалануды реттеу басқармасы, жұмыспен қамтуды үйлестіру және әлеуметтік бағдарламалар басқармасының қызметкерлері қатысып, сабақ барысында жаңа емле бойынша практикалық тапсырмалар, тест тапсырмаларын орындап, диктант жазу, жылдамдыққа оқу дағдыларын қалыптастырды.
Курсты «Тілдарын» облыстық тілдерді оқыту орталығының» оқытушылары А.Нурмагамбетова мен М.Айтимова жүргізді.
