Ortalyq týraly

Tilderdi qoldaný men damytýdyń 2011–2020 jyldarǵa arnalǵan memlekettik baǵdarlamasyn júzege asyrý maqsatynda oblys ákimdiginiń 2007 jylǵy 29 qańtardaǵy №45 qaýlysymen oblys ákimdigi tilderdi damytý basqarmasynyń «Tilderdi oqytý ortalyǵy» memlekettik komýnaldyq qazynalyq kásiporny qurylǵan. Ol óńirdegi memlekettik qyzmetkerlerge, búdjet salasynyń jáne aksıonerlik qoǵamdar men ulttyq kompanıalar bólimsheleriniń, jekemenshik qurylymdardyń qyzmetkerlerine memlekettik tildi oqytyp-úıretetin birden bir kásiporyn bolyp tabylady.

Komýnaldyq memlekettik mekeme Qostanaı oblysy ákimdiginiń 2016 jylǵy 7 qarashadaǵy №496 «Tildaryn» oblystyq tilderdi oqytý ortalyǵy» komýnaldyq memlekettik mekemesin qurý týraly qaýlysyna sáıkes quryldy.

Ortalyqta 3 medıaklass, árqaısysy tolyǵymen ınteraktıvtik taqtamen jabdyqtalǵan, sonymen birge ortalyqtyń ádistemelik kabınetteri, oqý-ádistemelik quraldar men túrli sala sózdikterine baı kitaphanasy bar. Barlyq oqý kabınetterindegi kompúterlerge memlekettik tildi memlekettik qyzmetshilerge jedeldete oqytýdyń 3 deńgeılik (bastaýysh, jalǵastyrýshy jáne tereńdetilgen) jańa keshendik baǵdarlamalary qondyrylǵan. Árbir deńgeıdiń oqý merzimi — 9 aı, 120 saǵat. Kýrs tyńdaýshylary jańa oqý-ádistemelik materıaldarmen jáne elektrondy oqýlyqtarmen qamtamasyz etiledi. Kýrsty tabysty aıaqtaǵan tyńdaýshylarǵa  sertıfıkat beriledi.

Qostanaı oblysy ákimdiginiń qaýlysymen  búgingi tańda 3 qala jáne 15 aýdan tilderdi oqytý ortalyqtary jumys isteýde. Oblystyq tilderdi oqytý ortalyǵynda barlyq memlekettik qyzmetshiler, sonymen qatar nıet bildirýshiler QAZTEST júıesi boıynsha dıagnostıkalyq testileýden ótýge múmkindik jasalǵan. Ortalyqta joǵary bilikti oqytýshylar jumys isteıdi. Jyl saıyn barlyq mamandardyń biliktiligin arttyrý úshin, qarqyndy jáne arnaıy kýrstar ótip turady.

Memlekettik jáne aǵylshyn tilderimen qatar, oblystyq tilderdi oqytý ortalyǵynda etnıkalyq toptar ókilderi úshin ana tilderi júrgiziledi (nemis, ıvrıt, polák, ázerbaıdjan, túrik, armán, tatar tilderi).