„Til sheberi“ oblystyq baıqaýy ótti

2022 jylǵy 17 tamyzda Qostanaı oblysy ákimdigi mádenıet basqarmasynyń „Tildaryn“ oblystyq tilderdi oqytý ortalyǵynyń uıymdastyrýymen Ult ustazy Ahmet Baıtursynulynyń 150 jyldyq mereıtoıy qarsańynda úsh tildi meńgergen jastar arasyndaǵy „Til sheberi“ oblystyq baıqaýy ótti.

Baıqaýǵa ár aýdan, qaladan 16 úmitker qatysyp, óz bilimderin úsh kezeń tapsyrmalary boıynsha synady. Birinshi kezeńde „Ahmet Baıtursynuly – ult ustazy“ taqyrybynda esse jazsa, ekinshi kezeńde berilgen mátinge ilespe aýdarma jasady. Úshinshi kezeńde qatysýshylar ekrandaǵy uıashyqty tańdaý arqyly tapsyrmany aǵylshyn tilinde aıtyp berdi.

Baıqaýdyń qorytyndysy boıynsha júldeli 1-shi oryndy Qaıyrbek Turar (Rýdnyı q.), 2-shi oryndy N.Nýrýmova (Uzynkól aýd,), A.Boranbaeva (Arqalyq q.), 3-shi oryndy A.Bımýrzova, A.Jakýpova, M.Isataı (Altynsarın, Meńdiqara, Lısakov q.) ıelendi.