«Oqý úderisindegi oqý-ádistemelik quraldardyń erekshelikteri men tıimdiligi» taqyrybynda dóńgelek ústel ótti

2022 jyly 15 sáýirde Qostanaı oblysy mádenıet basqarmasynyń keńeıtilgen alqa otyrysynyń seksıalyq jumysy aıasynda „Tildaryn“ oblystyq tilderdi oqytý ortalyǵy „Órleý“ BAUO AQ fılıaly Qostanaı oblysy boıynsha kásibı damý ınstıtýty bazasynda „Oqý úderisindegi oqý-ádistemelik quraldardyń erekshelikteri men tıimdiligi“ taqyrybynda birlesken dóńgelek ústel ótkizdi. Atalǵan is-sharaǵa JOO-nyń oqytýshylary, bilim basqarmasynyń ádisker mamandary, bilim berý mekemeleriniń ádisker muǵalimderi, aýdandyq, qalalyq tilderdi oqytý ortalyqtarynyń dırektorlary men ádiskerleri qatysty.

„Órleý“ BAUO AQ fılıaly Qostanaı oblysy boıynsha kásibı damý ınstıtýtynyń dırektory M.V.Slesir alǵysóz sóılep, birlesken is-sharanyń mańyzdylyǵy týraly baıandap, qatysýshylarǵa sáttilik tiledi.

„Tildaryn“ oblystyq tilderdi oqytý ortalyǵynyń basshysy J.Q.Erbatyrova kirispe sóz sóılep, atalǵan is-sharany ótkizý maqsaty týraly keńinen baıandady.

Moderator „Órleý“ BAUO AQ fılıaly Qostanaı oblysy boıynsha kásibı damý ınstıtýtynyń kafedra meńgerýshisi G.S.Jýsýpova sóz alyp, dóńgelek ústeldiń ótý retimen tanystyryp, arnaıy shaqyrylǵan spıkerlerge sóz berdi.

Jalpy is-sharaǵa 25 adam oflaın formatta, 50 adam zoom arqyly onlaın formatta qatysty.