«Jastar – memlekettik tildiń tiregi» atty óńirdegi belsendi jastarmen kezdesýi Online formatta ótti

2020 jylǵy 27 qarashada Qazaqstan Respýblıkasynyń Tuńǵysh Prezıdenti kúni merekesi qarsańynda Qostanaı oblysy ákimdigi tilderdi damytý basqarmasynyń basshysy G. E. Mendekınovanyń «JASTAR – MEMLEKETTİK TİLDİŃ TİREGİ» atty óńirdegi belsendi jastarmen kezdesýi Online formatta ótti. Atalǵan is-shara barysynda ár salada qyzmet atqaryp júrgen jastarymyz óz oılarymen bólisti.

Qostanaı oblysynyń polısıa departamentiniń ınjeneri Kıra Gartman óziniń memlekettik tildi qalaı jetik meńgergeni týraly baıandasa, Rýdnyı qalasynyń B. Maılın atyndaǵy metep-gımnazıasynyń muǵalimi Súleımen Keýlhosov tilderdi úıretýdi mektep qabyrǵasynda keńinen nasıhattaý týraly aıtyp berdi. Qostanaı aýdany ákimdiginiń ishki saıasat bóliminiń jetekshi mamany Dinmuhammed Ahmetbek elimizdegi til saıasatyna qatysty óz pikirin bildirse, Lısakov qalasy «Aksent» teleradıokompanıasynyń tilshisi Janar Qashqynbaeva memlekettik tildi BAQ arqyly kópshilikke nasıhattaý týraly aıtty. Arqalyq qalasy N. Quljanov atyndaǵy Torǵaı gýmanıtarlyq kolejiniń stýdenti Lúbov Vaseskaıa óz oı-pikirin qazaq  tilinde erkin jetkizip, jastarǵa úlgi kórsetti. Sarykól aýdandyq tilderdi oqytý ortalyǵynyń oqytýshysy, jas maman Bolat Nábı jańa álipbıdi kópshilikke túsindirý jumystary týraly keńinen baıandap berdi.

Kezdesý sońynda basqarma basshysy Mendekınova Gúljan Ermashqyzy birqatar belsendi jastarǵa alǵyshattar tabystady.