«Qashyqtan oqytýda ınternet resýrstaryn paıdalanýdyń múmkindikteri» atty onlaın kýrs ótti

2020 jylǵy  mamyrdyń 4 men 6 kúnderi «Tildaryn» oblystyq tilderdi oqytý  ortalyǵy «Qashyqtan oqytýda ınternet resýrstaryn paıdalanýdyń múmkindikteri» atty onlaın kýrs ótkizdi.

Birinshi kúni ortalyq oqytýshysy G.Krıkpenova «Movavi Screen Recorder baǵdarlamasymen beınesabaq túsirý» týraly sheberlik sabaǵyn ótkizdi.

5 mamyrda A.Baıtursynov atyndaǵy QMÝ til jáne ádebıet teorıasy kafedrasynyń aǵa oqytýshysy B.Abılbekova «Eresekterge memlekettik tildi úıretý barysyndaǵy tıimdi ádis-tásilder» taqyrybynda dárisin ótkizdi.

6 mamyrda ortalyq ádiskeri A.Nurbekova oi_pikir ınstagram paraqshasynda fılolog, p.ǵ.k., podkast júrgizýshi, «1001 kitap» aýdıopodkastynyń avtory B.Salyhovamen tikeleı efır júrgizdi. Tikeleı efır barysynda qonaǵymyz «Bilim salasynda podkasttardy qoldaný» atty taqyrypta podkast jasaý týraly tolyq aqparat berdi.

Ótkizilgen onlaın kýrsqa aýdandyq, qalalyq tilderdi oqytý ortalyqtarynan jáne Qazaqstannyń ózge de óńirlerinen  mamandar qatysyp, ózara tájirıbe almasty.