Rýhanı kezdesý

2019 jylǵy 12 tamyz kúni «Tildaryn» ortalyǵynda ashylǵan latyn álipbıine negizdelgen qazaq tilin oqytý kabınetinde Qazaqstan Jazýshylar odaǵynyń «Ádebı ólketanýdy damytý» jobasymen Qostanaı óńirine issaparmen kelgen qonaqtardy Qazaqstan Jazýshylar odaǵynyń A.Baıtursynov atyndaǵy syılyǵynyń laýreaty, jazýshy Serik Baıhonov, Qazaqstan Jazýshylar odaǵynyń múshesi, aqyn Gúlimaı Qýanyshovamen Qostanaı oblysy ákimdiginiń tilderdi damytý basqarmasynyń basshysy Gúljan Ermashqyzy Mendekınova qarsy alyp, rýhanı kezdesý ótkizdi.

Basqarma basshysy G.Mendekınova óńirimizdegi til saıasatynyń nasıhattalýy, onyń mártebesi jaıly qonaqtarǵa qysqasha baıandap berdi.

Kezdesý barysynda qonaqtar Qostanaı óńirine kelý maqsattarymen, elimizdiń rýhanı jáne mádenı damýyndaǵy bolyp jatqan keleli áńgimelerimen oı bólisti.

Sonymen qatar, qazaq tiliniń latyn qarpine kóshýiniń tıimdi tústary týraly da sóz qozǵaldy. Jalpy zıaly qaýym ókilderimen ótken ár kezdesýden tamasha taǵylym alýǵa bolady.