Jańa álipbıdi meńgerý – ýaqyt talaby

«Tildaryn» oblystyq tilderdi oqytý ortalyǵynda 05-16 tamyz aralyǵynda «JAŃA ÁLİPBI NEGIZINDEGI QAZAQ TILI EMLESIN MEŃGERTÝ» boıynsha 24-saǵattyq qysqa merzimdi kýrstyń  İÚ legi bolyp ótti. Kýrsty ortalyq oqytýshysy A.J.Nurbekova júrgizdi.

Kýrsqa túrli mekemeden barlyǵy 38 tyńdaýshy qatysyp sertıfıkat ıelendi. Olar: oblys ákiminiń aparaty, Polısıa departamenti,  áskerı bólim, UQK, Memlekettik qyzmet isteri jáne sybaılas jemqorlyqqa qarsy is-qımyl agenttik departamenti, mádenıet jáne jumyspen qamtýdy úılestirý jáne áleýmettik baǵdarlamalar basqarmasy, Meńdiqara aýdandyq tilderdi oqytý ortalyǵy, Statıstıka departamenti, Sh.Qabylbaev atyndaǵy Qostanaı akademıasy, polıtehnıkalyq koleji, QÁTÝ, Memlekettik áleýmettik saqtandyrý qory AQ qyzmetkerleri, sondaı-aq óz ótinishteri boıynsha  jeke kásipkerler men  zeınetkerler de qatysty.

Kýrsta emleni úıretýde sózderdiń aıtylý, jazylý normalaryn qalyptastyrýda «Jańyltpash aıtý», «Uıqasyn tap» oıyndary,  sózderdiń jańa álipbımen jazylý daǵdysyn qalyptastyrýda «Latynvord» sheshý, berilgen materıaldy bekitý maqsatynda test tapsyrýda kahoot ınternet baǵdarlamasy tárizdi oqytýdyń jańa tehnologıalary qoldanyldy.

Sabaq barysynda sózdik dıktant, terme dıktant jazylyp, jyldamdyqqa oqý tehnologıasy boıynsha 80-100 sózden turatyn mátinder usynyldy.

Sonymen qatar, tyńdaýshylar Qazlatyn.kz saıtynda kırıl – latyn, latyn – kırıl qarpi arqyly sózder men mátinderge konvertasıa jasaýdy úırendi.