«Kórneki aqparat: máseleler jáne ony sheshý joldary» atty dóńgelek ústel

Tilderdi damytý basqarmasy a.j. 25 maýsymda Qarasý aýdany Qarasý aýylynda basqarma mamandary, Altynsarın, Áýlıekól, Qarasý, Naýyrzym, Sarykól aýdandary ákimdikteri mádenıet jáne tilderdi damytý bólimderi basshylary men mamandary, onomastıkalyq jumys toptary músheleri, tilderdi oqytý ortalyqtary, ÚEU, jastar uıymdary ókilderiniń qatysýymen «Kórneki aqparat: máseleler jáne ony sheshý joldary» atty dóńgelek ústel ótkizdi.

Dóńgelek ústel otyrysyn Qarasý aýdandyq máslıhatynyń hatshysy S.Q. Qazıev quttyqtaý sózben ashyp,  Qarasý aýdandyq tilderdi oqytý ortalyǵynyń oqytýshysy N.M. Muqanova jańa qazaq álipbıiniń emlesin  túsindirdi,  A.Baıtursynov atyndaǵy Qostanaı memlekettik ýnıversıtetiniń profesory, fılologıa ǵylymdarynyń doktory A.A. Ábsadyqov latyn álipbıine kóshý barysynda kórneki aqparat salasyndaǵy túıtkilder men tujyrymdarǵa sholý jasady, aýdarmashy, bloger I.T. Arystanbekov kórneki aqparat mátinderin aýdarýdaǵy erekshelikter týraly baıandap berdi, Tilderdi damytý basqarmasynyń bas mamany A.J. Sadýaqasova saýatty jarnamanyń til tazalyǵy máselesindegi mańyzdylyǵyna toqtaldy.

Kórneki aqparattyń til týraly zańnamaǵa sáıkestigi máselesi qazirgi tańda ózekti máselelerdiń biri bolyp otyr. Ol memlekettik tilimizdiń mártebesin arttyrý, memlekettik til saıasatyn júzege asyrý isterine tikeleı qatysty, sonymen qatar kórneki aqparat ónimderi kez kelgen eldi mekenniń kelbeti, tipti órkenıet deńgeıiniń kórsetkishi desek artyq aıtpaımyz. Sondyqtan osy máseleni sheshýge atsalysý ár azamattyń paryzy bolyp tabylady.

Sharanyń basty maqsaty – osy oıdy ár qatysýshynyń kókeıine uıalatý, al olar óz kezeginde oıyna túıgen aqparatpen ózgelermen bólisedi. Osy oraıda dóńgelek ústelge qatysýshylar syrtqy (kórneki) jarnamany ornalastyrý boıynsha  zań buzýshylyqtardyń aldyn alý, jastardy memlekettik til saıasatyn júzege asyrýǵa belsendi atsalysýǵa yntalandyrý týraly pikir almasyp, tájirıbelerimen bólisip, qajetti málimetterge qanyqty. Qatysýshylardyń pikirinshe sharanyń kózdelgen maqsatyna qol jetkizildi.