Jańa álipbıdiń emleciniń erejelerimen tanystyrý sabaǵy

2019-jylǵy 3-mamyrda «Tildaryn» oblystyq tilderdi oqytý ortalyǵynda «Jańa emleni oqytý ádistemesi» atty 72-saǵattyq respýblıkalyq kýrsynan ótken sertıfıkatty trener G.Talapova Qostanaı oblysynyń Tótenshe jaǵdaılar departamentiniń jeke quramynyń qyzmetkerlerine «Jańa emleniń erejelerimen tanystyrý» sabaǵyn ótkizdi. 

İs-sharaǵa atalǵan departament jeke quramynyń 25 qyzmetkeri qatysty.

Sabaq barysynda qazaq tili álipbıiniń latyn grafıkasyna kóshirýdiń mańyzdylyǵy túsindirilip, jańa emleniń ereksheligi men qurylymy týraly baıandaldy. Qatysýshylar sabaqtyń teorıalyq bóliminde alǵan bilimderin praktıkalyq tapsyrmalar arqyly bekitti.

İs-sharaǵa qatysýshylar belsendilik tanytyp, jańa álipbıge qatysty kókeıdegi saýaldaryna jaýap aldy. Departament qyzmetkerleri aldaǵy ýaqytta jańa álipbıdi meńgerý úshin qysqa merzimdi kýrsqa qatysýǵa tilek bildirdi.