Latyn álipbıine negizdelgen qazaq tilin oqytý kabıneti ashyldy

2019 jylǵy 18 sáýirde «Rýhanı jańǵyrý» baǵdarlamasyn iske asyrý aıasynda Qostanaı oblysy ákimdiginiń tilderdi damytý basqarmasynyń uıymdastyrýymen «Tildaryn» oblystyq tilderdi oqytý ortalyǵynyń bazasynda Latyn álipbıine negizdelgen qazaq tilin oqytý kabınetiniń saltanatty ashylýy boldy.

Atalǵan is-sharaǵa QR MSM Til saıasaty komıteti Sh.Shaıahmetov atyndaǵy «Til-Qazyna» UǴPO ǵalym-hatshysy, f.ǵ.k. G. Mamyrbekova, «Til janashyry» qurmet belgisiniń ıegeri K.Ýkın, óńirdegi zıaly qaýym, baspasóz ókilderi, jergilikti fılolog ǵalymdar men joǵary jáne orta oqý oryndarynyń basshylary qatysty.

İs-shara M.Ospanovtyń arnaýymen bastaldy. Qostanaı oblysy ákimdiginiń tilderdi damytý basqarmasy basshysy G. Meńdekınova quttyqtaý sóz sóılep, f.ǵ.k. G. Mamyrbekova jańa kabınettiń ashylýyn joǵary baǵalap, tarıhta qalatyn sát dep baǵalady.

Zamanaýı tehnıkamen jabdyqtalǵan kabınette latyn álipbıine negizdelgen qazaq tilin oqytýdyń qysqa merzimdi 24 saǵattyq kýrsyn ótkizý josparlanyp, soǵan sáıkes ortalyq oqytýshylary qarapaıym deńgeı jáne orta deńgeıge arnalǵan kýrs baǵdarlamalaryn ázirledi.

İs-sharanyń barysynda jurtshylyqqa ortalyqtyń tildaryn.kz saıtynda jasaqtalǵan «Ońaı oqy, ońaı jaz» atty jańa álipbıdi meńgerýge arnalǵan onlaın-oqytý aıdary tanystyryldy.

Kabınettiń saltanatty ashylý rásimi qonaqtar men qatysýshylardyń estelik sýretke túsýimen aıaqtaldy.