Jańa emleniń erejelerimen tanystyrý

2019 jylǵy 10 sáýirde Ó.Sultanǵazın atyndaǵy QMPÝ-da  latyn grafıkasyna negizdelgen qazaq tili álipbıine kóshirýdi iske asyrý sheńberinde jáne ýnıversıtettiń  profesorlyq-oqytýshylyq quramyna jańa álipbıdiń emle-erejelerin  túsindirý maqsatynda kezekti dóńgelek ústel ótti.

Atalǵan is-sharaǵa Qostanaı oblysy ákimdiginiń tilderdi damytý basqarmasynyń josparlaý, taldaý jáne aqparattyq tehnologıalar bóliminiń basshysy K.Bımaǵanbetov, «Tildaryn» oblystyq tilderdi oqytý ortalyǵynyń oqytýshysy A.Mırkemelova,  ýnıversıtet oqytýshylary qatysty. K.Bımaǵanbetov óz sózinde latyn grafıkasyna negizdelgen jańa álipbıdiń erekshelikteri jaıynda aıtyp ótti. Oqytýshy A.Mırkemelova jańa álipbıdiń emle-erejesiniń erekshelikterine toqtaldy.

Aqparattyq jıynǵa qatysqan ýnıversıtet muǵalimderi belsendilik tanytyp, ózekti suraqtardy qozǵady. Óz oı-pikirlerin ortaǵa salyp, usynystaryn da aıtty.