2021 jylǵy 19 aqpanda – Halyqaralyq ana tili kúnine oraı «Álippe reformasy – rýhanı jańǵyrýdyń ózegi» atty onlaın dóńgelek ústel ótti.
Dóńgelek ústelge Qostanaı oblysy ákimdiginiń Tilderdi damytý basqarmasynyń josparlaý, taldaý jáne aqparattyq tehnologıalar bóliminiń basshysy Bımaǵanbetov K. Á. Qostanaı qalalyq mádenıet jáne tilderdi damytý bólimi basshysynyń mindetin atqarýshy Madıarova Q. H. jáne «Tildaryn» oblystyq tilderdi oqytý ortalyǵynyń mamandary sonymeı qatar Qostanaı qalasynyń qazaq tili men ádebıeti pániniń muǵalimderi qatysty.
Dóńgelek ústelde ortalyq ádiskeri Nurbekova Aınur «Latynnegizdi álipbı reformasy: dıakrıtıkalyq tańbalar mazmuny» týraly aıtyp qazaq álipbıiniń jańa jobasymen tanystyrdy. №1 mektep-lıseıdiń qazaq tili men ádebıeti muǵalimi Ihsan Danıar Prezıdent Q.Toqaevtyń «Táýelsizdik bárinen qymbat» atty maqalasy boıynsha «Latyn álipbıine kóshý – durys tańdaý, sátti sheshim» atty taqyrypty mazmundy baıandama jasasa, Ǵ.Qaıyrbekov atyndaǵy №9 orta mektep dırektorynyń oqý-isi jónindegi orynbasary, ózin-ózi taný pániniń muǵalimi, jańa álipbı boıynsha eksperımenttik alań jetekshisi Ergalıeva M. A. jáne eksperımenttik alań toby «Latynǵa kóshý – bizdiń tájirıbemizde» atty taqyrypta latynnegizdi qazaq álipbıi boıynsha atqarylyp jatqan jumystary negizinde óz tájirıbelerimen bólisti.