2020 jylǵy 18-19 mamyrda «Til-Qazyna» UǴPO-nyń uıymdastyrýymen «Til úıretý ádistemesi: teorıa jáne tájirıbe» atty onlaın dárister ótkizildi.
Dáristerdiń maqsaty – kúndelikti turmysta, kásipte, túrli resmı sharalarda, qoǵamnyń túrli áleýmettik salalarynda qazaq tilin paıdalaný men onyń qoldanys aıasyn keńeıtý úshin zamanaýı til meńgerý ádisteri qaǵıdattarynyń negizinde tildi jyldam ári ońaı meńgerýdiń túrli tásilderi boıynsha óńirlerde qazaq tilin oqytyp, úıretip júrgen oqytýshylar men ustazdarǵa ádistemelik kómek, qoldaý kórsetý.
Kezekti onlaın dáristerdi Shaısultan Shaıahmetov atyndaǵy «Til-Qazyna» ulttyq ǵylymı-praktıkalyq ortalyǵynyń atqarýshy dırektory, fılologıa ǵylymdarynyń kandıdaty E.Tileshov, Nazarbaev ýnıversıteti Qazaq jáne túrkologıa departamentiniń profesory, fılologıa ǵylymdarynyń doktory Z.Kúzekova, Abaı atyndaǵy Qazaq ulttyq pedagogıkalyq ýnıversıtetiniń profesory, fılologıa ǵylymdarynyń doktory T.Aıapova, Y.Altynsarın atyndaǵy Ulttyq bilim akademıasynyń jetekshi ǵylymı qyzmetkeri, fılologıa ǵylymdarynyń kandıdaty A.Muqysheva júrgizdi.
Onlaın dáriske ortalyq mamandary qatysty.