Qazaqstan Respýblıkasy Úkimetiniń 2017 jylǵy 12 jeltoqsandaǵy №827 qaýlysymen bekitilgen «Sıfrlyq Qazaqstan» memlekettik baǵdarlamasyn júzege asyrý maqsatynda Qostanaı oblysy ákimdiginiń tilderdi damytý basqarmasy Qazaqstan Respýblıkasy Memlekettik qyzmet isteri agenttiginiń Qostanaı oblysy boıynsha departamentiniń bastamasyn qoldap, oblystaǵy tilderdi oqytý ortalyqtarynyń bazalarynda «Elektrondyq úkimet jáne elektrondy qyzmetter týraly» taqyrybynda kýrs uıymdastyrǵan bolatyn.
2020 jyldyń 7 aqpanynda «Tildaryn» oblystyq tilderdi oqytý ortalyǵynda atalǵan kýrstyń alǵashqy sabaǵy ótti.
Kýrsty ótkizýshiler «Azamattarǵa arnalǵan úkimet» memlekettik korporasıasy» komersıalyq emes aksıonerlik qoǵamynyń Qostanaı oblysy boıynsha fılıalynyń mamandary. Alǵashqy sabaqqa Qostanaı qalasy bilim bóliminiń mamandary qatysty. Kýrs bir aıda eki ret ótkiziledi.