Qostanaı oblysy ákimdiginiń tilderdi damytý basqarmasynyń «Tildaryn» tilderdi oqytý ortalyǵynyń uıymdastyrýymen 2020 jyly 10 qańtarda memlekettik jáne aǵylshyn tilderin oqytý kýrsyn aıaqtaǵan tyńdaýshylarǵa sertıfıkat tapsyrý rásimi ótti.
İs-sharaǵa jergilikti atqarýshy organdardyń jáne aýmaqtyq departamentterdiń qyzmetkerleri, «Tildaryn» ortalyǵynyń oqytýshylary qatysty.
İs-shara barysynda memlekettik tildiń mártebesin arttyrýǵa jáne qoldanys aıasyn keńeıtýge qosqan erekshe úlesi úshin «Úzdik tyńdaýshy» nomınasıasy boıynsha ortalyq tyńdaýshylary jáne «Úzdik mekeme» nomınasıasy boıynsha belsendi mekemeler marapattaldy.
Memlekettik tildiń mártebesin arttyrý men qoldanys aıasyn keńeıtý, oqyp-úırený baǵytyndaǵy jumysty jetildirýge qosqan úlesi úshin «Úzdik mekeme» nomınasıasymen QR eńbek jáne halyqty áleýmettik qorǵaý mınıstrligi eńbek áleýmettik qorǵaý jáne kóshi-qon komıtetiniń Qostanaı oblysy boıynsha departamentine alǵyshat berildi.
Jastar jylyna oraı eresek turǵyndarǵa aǵylshyn tilin oqytý baǵytyndaǵy jumysty jetildirýge qosqan úlesi úshin «Jas maman» aǵylshyn tiliniń oqytýshysy A.Kýbeeva alǵyshatpen marapattaldy.
QR Mádenıet jáne sport mınıstrligi Til saıasaty komıteti Sh.Shaıahmetov atyndaǵy «Til-Qazyna» ulttyq ǵylymı-praktıkalyq ortalyǵy uıymdastyrýymen ótkizilgen «Úzdik sabaq» respýblıkalyq baıqaýyna qatysyp, Bas júldeni jeńip alǵan ortalyq ádiskeri A.Nurbekova Tilderdi damytý basqarmasynyń basshysy G.Mendekınovanyń alǵyshatymen marapattaldy.