2019 jylǵy 24 qazanda Nur-Sultan qalasynda «Jahandaný jáne ulttaný úderisindegi qazaq tiliniń ómirsheńdigi» tuńǵysh ret respýblıkalyq til forýmy ótti.
Forýmǵa QR Mádenıet jáne sport mınıstri A.Raıymqulova, QR Pralamenti Senaty, Májilisi depýtattary, QR Joǵary Soty, Bas Prokýratýrasynyń ókilderi, qoǵam qaıratkerleri, zıaly qaýym ókilderi, oblystyq tilderdi damytý basqarmalarynyń basshylary men óńirlik tilderdi oqytý ortalyqtarynyń mamandary, QHA etno-mádenı birlestikteri men BAQ ókilderi qatysty.
Qostanaı oblysynyń delegasıasy quramynda «Qostanaı oblysy ákimdigi tilderdi damytý basqarmasy» MM basshysy G.E.Mendekınova, Tilderdi damytý basqarmasynyń bólim basshysy K.Á.Bımaǵanbetov, «Tildaryn» oblystyq tilderdi oqytý ortalyǵy» KMM basshysy J.Q.Erbatyrova, «Rýdnyı qalalyq tilderdi oqytý ortalyǵy» KMM basshysy J.E.Janbýrchına boldy.
Forým aıasyndaǵy 6 túrli pikir alańynda qazaq tiliniń qoldanys aıasyn ǵylym, bilim, saıasat, bıznes, kásipkerlik, óndiris, áleýmettik salalarda keńeıtý máseleleri jan-jaqty talqylandy, sonymen qatar qazirgi álemdik jahandaný óris alyp turǵanda ult rýhyn túletý úderisindegi qazaq tiliniń ómirsheńdigin arttyrýǵa basty qadam jaǵa álipbıge kóshý barysy men atqarylǵan sharalardyń qorytyndysy saralanyp, aldaǵy mindetter aıqyndaldy.
Forýmda Qostanaı oblysynda qazaq tilin latyn grafıkasyna kóshirý, memlekettik tildi eresekterge oqytý boıynsha «Tildaryn» oblystyq tilderdi oqytý ortalyǵy men qalalyq, aýdandyq tilderdi oqytý ortalyqtarynyń mamandary qurastyrǵan oqý-ádistemelik quraldar men dıdaktıkalyq materıaldardan turatyn kórmeni usyndy. Kórme tájirıbe almasý alańyna aınalyp, forým qatysýshylary tarapynan oń baǵasyn aldy.