2019 jyldyń 22 tamyzy kúni Qostanaı oblysy ákimdiginiń tilderdi damytý basqarmasy Qazaqstan Respýblıkasynda tilderdi damytý men qoldanýdyń 2011 – 2020 jyldarǵa arnalǵan memlekettik baǵdarlamasyna sáıkes «Qazaq dıasporasyna ana tilin úıretý boıynsha uıymdastyrýshylyq-ádistemelik kómek kórsetý» taqyrybynda semınar-trenıng ótkizdi.
Semınar-trenıngti ótkizýdiń birden-bir maqsaty qazaq dıasporasy ókilderiniń arasynda qazaq tilin oqytý boıynsha ózara tájirıbe almasý, mádenı jáne áleýmettik-gýmanıtarlyq salada shekaralyq yntymaqtastyqty odan ári damytý negizine baǵyttalǵan.
Atalǵan semınar-trenıngke Dúnıejúzi qazaqtary qaýymdastyǵynyń Qostanaı oblysy fılıalynyń tóraıymy Názıra Qypshaqbaıqyzy Járimbetova, ana tildi saqtaý jáne tanytý, salt-dástúr jáne oqytý máselelerimen aınalysatyn «Jaqsylyq» qazaq ulttyq mádenı ortalyǵynyń basshysy Iýlıt Iskakovna Baıdýletova bastaǵan Reseı Federasıasy Chelábi oblysynyń delegasıasy, Tilderdi oqytý ortalyqtarynyń basshylary, oqytýshylary jáne BAQ qatysty.
Qostanaı oblysy ákimdiginiń tilderdi damytý basqarmasynyń basshysy Gúljan Ermashqyzy Mendekınova jáne Dúnıejúzi qazaqtary qaýymdastyǵynyń Qostanaı oblysy fılıalynyń tóraıymy Názıra Qypshaqbaıqyzy Járimbetova aldynda sóz sóıledi.
Semınar-trenıng barysynda «Tildaryn» oblystyq tilderdi oqytý ortalyǵynyń basshynyń orynbasary Gúlnar Maratqyzy Talapova, Rýdnyı qalasynyń Tilderdi oqytý ortalyǵynyń ádiskeri Nazgúl Sadragzamqyzy Mýnbaeva, Qostanaı aýdannyń Tilderdi oqytý ortalyǵynyń oqytýshysy Janna Temirbolatqyzy Jarasbaeva qazaq tilin latyn grafıkasyna kóshirý boıynsha túsindirý sabaqtary ótkizildi.
Reseıden kelgen qonaqtar Qazaqstandaǵy tildik reformaǵa oń kózqarastaryn bildirip, qazaq tilin oqytý boıynsha kókeıde júrgen saýaldaryn ortaǵa salyp, pikir almasty.