2019 jylǵy 22 mamyrda Qostanaı oblysy ákimdiginiń tilderdi damytý basqarmasynyń uıymdastyrýymen Denısov aýdandyq mádenıet úıinde «Kórneki aqparat: máseleler jáne ony sheshý joldary» atty dóńgelek ústel ótti.
Dóńgelek ústelge tilderdi damytý basqarmasy mamandary, oblystyq onomastıka komısıasy músheleri, «Jas Otan» jastar qanaty ókilderi, Lısakov, Jitiqara qalalary, Denısov, Qamysty, Taran aýdandary ákimdikteri mádenıet jáne tilderdi damytý bólimderi basshylary men mamandary, onomastıkalyq jumys toptary músheleri, tilderdi oqytý ortalyqtary, ÚEU, jastar uıymdary ókilderi qatysty.
İs-shara moderatory – Qostanaı oblysy ákimdiginiń tilderdi damytý basqarmasy onomastıka jáne kórneki aqparattar monıtorıńi bóliminiń basshysy J.Naýrazbaev.
Atalǵan is-sharada «Tildaryn» oblystyq tilderdi oqytý ortalyǵynyń oqytýshysy A.Mırkemelova «Jańa qazaq álipbıin BAQ jáne kórneki aqparat arqyly ilgeriletý»taqyrybynda baıandama oqydy.
Dóńgelek ústelge jınalǵandar latyn grafıkasyna negizdelgen jańa qazaq álipbıi, jarnama mátinderin aýdarýdaǵy qıyndyqtar men qateler týraly suraqtar qoıyp, óz pikirlerimen bólisti.