2019 jylǵy 4 naýryzda «Tildaryn» oblystyq tilderdi oqytý ortalyǵynyń oqytýshysy Jumataı B. Qostanaı oblysynyń statısıka departamentiniń tyńdaýshylaryna 8 naýryz Halyqaralyq áıelder kúnine arnalǵan «Arýlar – asyl jandar» atty ıntellektýaldy saıys sabaǵyn ótkizdi.
Sabaqtyń basynda Belov Alekseı óleń shýmaqtaryn oqyp, arýlarymyzdy quttyqtady. «Qyzǵaldaq» jáne «Báısheshek» dep atalǵan top 5 asýdyń suraqtary men tapsyrmalaryn oryndap, jaqsy nátıje kórsetti.
«Oı men oıyn»asýynda ár toptyń tyńdaýshysy berilgen sózdi is-qımyl jáne mımıka arqyly qyzyqty qylyp jetkizdi.
Al «As máziri» asýynda názik jandylardyń aspazdyq sheberligi baıqaldy. Ár taǵamnyń quramyn jáne jasalý ádisin túsindirdi. Kóktemniń shýaqty merekesinde arýlarymyzǵa «Án jumbaq» asýy kóterińki kóńil-kúı syılady.
Tórtinshi jáne besinshi asýlarda názik jandylardyń tapqyrlyǵy men bilimi synaldy. «Tapqyr bolsań taýyp kór» asýynda logıkalyq jáne tarıhı suraqtar qoıyldy, qazaqtyń batyr jáne álemge tanymal qyzdary jaıly aıtyldy.
Saıys óz máresine jetip, tyńdaýshylarǵa merekelik kóńil-kúı syılady.