ҚР ІІМ Ш. Қабылбаев атындағы Қостанай академиясы қызметкерлері 2019 жылғы 25 қараша мен 6 желтоқсан аралығында «Jańa álipbı negizindegi qazaq tili emlesin meńgertý» тақырыбы бойынша 24-сағаттық қысқа мерзімді курсты оқып шықты. Курсты «Тілдарын» облыстық тілдерді оқыту орталығының оқытушысы Г.Т.Крикпенова жүргізді.
Курста емлені үйретуде сөздердің айтылу, жазылу нормаларын қалыптастыруда әртүрлі тиімді әдіс-тәсілдер қолданылды. Сондай-ақ мобильді қосымша, интернет бағдарламасы тәрізді жаңа технологиялар қолданылды.
Сабақ барысында сөздік диктант, терме диктант жазылып, жылдамдыққа оқу технологиясы бойынша 80-100 сөзден тұратын мәтіндер ұсынылды.
Сонымен қатар тыңдаушылар qazlatyn.kz сайтында kırıl – latyn, latyn – kırıl қарпі арқылы сөздер мен мәтіндерге конвертация жасауды үйренді.
Курс сонында ҚР ІІМ Ш.Қабылбаев атындағы Қостанай академиясының бастығы полиция полковнигі Н.А.Биекенов тыңдаушыларға сертификат табыстады.