2019 жылдың маусым-тамыз айлары аралығында «Тілдарын» облыстық тілдерді оқыту орталығының базасында «Jańa álіpbı negizindegi qazaq tili emlesin meńgertý» атты 24 сағаттық қысқа мерзімді курс ұйымдастырылуда.
Курстың мақсаты – тыңдаушыларға жаңа қазақ әліпбиінің құрылымы мен сипаттамасын, қазіргі айтылым және жазылым нормаларын үйрету.
Мемлекеттік мекемелер мен құрылымдық мекемелердің қызметкерлеріне арналған оқу курсының І легінің тыңдаушылары екі апта ішінде емле бойынша практикалық тапсырмалар, тест тапсырмаларын орындап, диктант жазу, жылдамдыққа оқу дағдыларын қалыптастырып сертификат иеленді.
Курсты Ш. Шаяхметов атындағы «Тіл-қазына» ұлттық ғылыми-практикалық орталығынан «Жаңа емлені оқыту әдістемесі» атты республикалық тренерлер дәріс-курсынан өткен «Тілдарын» КММ мамандары Г. Талапова мен Г. Крикпенова жүргізді.