QR Densaýlyq saqtaý mınıstrliginiń ázirlegen «Saqbol» mobıldi qosymshasy

Saqbol qosymshasy koronavırýstyq ınfeksıanyń taralýyn baqylaý, sondaı-aq Exposure Notification tehnologıasyn (Google jáne Apple kompanıalarynan juqtyrý qaýpi týraly habarlamalar júıesi) paıdalana otyryp, juqtyrý oshaqtaryn ýaqtyly oqshaýlaý maqsatynda quryldy.

Qosymshanyń jumysy dál sondaı qosymsha ornatylǵan basqa qurylǵylarmen kontaktilerdi jasyryn baqylaýǵa jáne dál sondaı qosymsha ornatylǵan basqa qurylǵylarmen shıfrlanǵan ózara árekettesý jazbalaryn saqtaýǵa baǵyttalǵan.

Saqbol mobıldi qosymshasy Google Play (qajetti Android nusqasy – 6.0 nemese odan keıingi), App Store (qajetti iOS nusqasy – 13.5 nemese odan keıingi) júkteý úshin qol jetimdi. Qosymshanyń durys jumys isteýi úshin sizde operasıalyq júıeniń sońǵy nusqasy ornatylǵanyna kóz jetkizýdi  usynamyz.

Bul qalaı jumys isteıdi?

Saqbol qosymshasyn smartfonǵa ornatyńyz, Bluetooth qosyńyz jáne telefondy únemi ózińizben birge alyp júrińiz. Osy qosymshany ornatqan basqa adamdarmen jaqyn baılanysta bolǵan kezde, sizdiń smartfondaryńyz Bluetooth arqyly shıfrlanǵan sáıkestendirgishtermen almasady. Sáıkestendirgishtiń árbir baqylaý somasy ony jasaǵannan keıin eki aptadan keıin paıdalanýshy qurylǵysynan avtomatty túrde joıylady.

PTR testin tapsyrǵannan keıin paıdalanýshynyń mobıldi nómirine nátıjeni bilý úshin Saqbol qosymshasynda engizýge bolatyn 10 tańbaly kody bar sms habarlama keledi.

Qosymshany paıdalaný úshin tirkeý qajet emes. Qosymsha  eshbir jeke derekterdi nemese ornalasqan jer týraly derekterdi jınamaıdy nemese jibermeıdi. Bul degenimiz, siz kimmen baılanysqanyńyzdy jáne bul baılanys qaıda bolǵanyn eshkim anyqtaı almaıdy.

Eger Saqbol qosymshasynyń paıdalanýshysy koronavırýsqa oń nátıje alsa, ol óz qosymshasyndaǵy habarlandyrý fýnksıasyn iske qosa alady. Bul sońǵy 14 kún ishinde eki metrden az qashyqtyqta jáne 15 mınýttan astam ýaqyt ishinde juqtyrǵan adammen baılanysta bolǵan qosymshanyń basqa paıdalanýshylaryn eskertedi.

Habarlamany iske qosqan kezde qosymsha avtomatty jáne anonımdi túrde bul týraly qosymshanyń basqa paıdalanýshylaryn habardar etedi.

Habarlama alǵan paıdalanýshylar qosymsha arqyly Qazaqstan Respýblıkasy Densaýlyq saqtaý mınıstrliginiń budan arǵy is-qımyldar týraly usynymdarymen tanysa alady.