16 jeltoqsan Qazaqstan Respýblıkasynyń Táýelsizdigi kúnine oraı «ХХІ ǵasyr kóshbasshysy» atty ıntellektýaldy saıys ótti

2019 jyldyń 11 jeltoqsany kúni «Tildaryn» oblystyq tilderdi oqytý ortalyǵynda memlekettik tildi oqytý kýrsynyń tyńdaýshylary arasynda 16 jeltoqsan Qazaqstan Respýblıkasynyń Táýelsizdigi kúnine oraı «ХХІ ǵasyr kóshbasshysy» atty ıntellektýaldy saıys ótti.

Saıystyń sharty boıynsha memlekettik tildiń ár oqytýshysy 1 tyńdaýshydan usyndy.

Saıystyń maqsaty men mindetteri: ortalyq tyńdaýshylary arasynda memlekettik tildiń mártebesi men mańyzyn arttyrý jáne memlekettik tildi keńinen nasıhattaý; memlekettik qyzmetshilerdiń boıynda Otanyna, eline, jerine, tiline degen súıispenshilik, maqtanysh sezimin oıatý; memlekettik tilde sóıleý máneri men sheberlikterin shyńdaý, kúndelikti ómirde, qyzmette memlekettik tildi qoldanýǵa jáne mádenıetti sóıleýge yntasyn arttyrý; tildik ortany qalyptastyrý jáne til mádenıetine tárbıeleý.

Saıys «Báıge», «Daryndylar dodasy» jáne «Óz oıym…» (3-4 mınýt ishinde tańdalǵan taqyrypty ashyp, óz oıyn aıtý) dep atalatyn kezeńderden turdy. Ár tapsyrmaǵa sáıkes óziniń ýaqyty belgilenip, tyńdaýshylarǵa ár aınalym boıynsha baldyq júıemen upaı berildi.

Birinshi orynǵa QR UQK Qostanaı oblysy boıynsha departamentiniń qyzmetkeri Dúısenbaev Manat, ekinshi orynǵa QR UQK Shekara qyzmeti «Soltústik» óńirlik basqarmasynyń qyzmetkeri Qarakesekova Janar, úshinshi orynǵa QR eńbek jáne halyqty áleýmettik qorǵaý mınıstrligi eńbek áleýmettik qorǵaý jáne kóshi-qon komıtetiniń Qostanaı oblysy boıynsha departamentiniń qyzmetkeri Toqmaǵanbet Ánýar ıe boldy jáne 3 tyńdaýshyǵa alǵys hat tabystaldy.