Qysqa merzimdi kýrstyń İ legi aıaqtaldy

2019 jyldyń  maýsym-tamyz aılary aralyǵynda «Tildaryn» oblystyq tilderdi oqytý ortalyǵynyń bazasynda  «Jańa álipbı negizindegi qazaq tili emlesin meńgertý» atty 24 saǵattyq qysqa merzimdi kýrs uıymdastyrylýda.

Kýrstyń maqsaty – tyńdaýshylarǵa jańa qazaq álipbıiniń qurylymy men sıpattamasyn, qazirgi aıtylym jáne jazylym normalaryn úıretý.

Memlekettik mekemeler men qurylymdyq mekemelerdiń qyzmetkerlerine arnalǵan oqý kýrsynyń İ leginiń  tyńdaýshylary  eki apta ishinde emle boıynsha praktıkalyq tapsyrmalar, test tapsyrmalaryn oryndap, dıktant jazý, jyldamdyqqa oqý daǵdylaryn qalyptastyryp sertıfıkat ıelendi.

Kýrsty Sh. Shaıahmetov atyndaǵy «Til-qazyna» ulttyq ǵylymı-praktıkalyq ortalyǵynan «Jańa emleni oqytý ádistemesi» atty respýblıkalyq trenerler dáris-kýrsynan ótken «Tildaryn» KMM mamandary G. Talapova men G. Krıkpenova júrgizdi.