«The Great Victory Day» taqyrybynda ashyq sabaq ótti

Uly Jeńis merekesi qarsańynda oblystyq «Tildaryn» tilderdi oqytý ortalyǵynda aǵylshyn tiliniń oqytýshysy L. Erdenova „The Great Victory Day“ taqyrybynda aǵylshyn tili kýrsynyń tyńdaýshylaryna arnalǵan ashyq sabaq ótkizdi.

Sabaqtyń maqsaty – óz halqynyń tarıhy men erlikterine degen súıispenshilik pen patrıottyq sezimderin tárbıeleý arqyly ózge tildi kommýnıkatıvtik daǵdylardy damytý.

Sabaq ótkizý úshin Erdenova L. áskerı-patrıottyq jumystyń jasyna sáıkes formalary men ádisterin tańdap aldy. Sabaq barysynda kýrs tyńdaýshylary aǵylshyn tilinde, ózderiniń týǵan-týystary, Uly Otan soǵysynyń ardagerleri, soǵys maıdanynda adal shaıqasqan jáne Otan úshin adal eńbek etken jerlesteri týraly aıtyp berdi.

Sabaqtyń ár túrli formalary, ádisteri men tásilderi – dıalogtar, róldik oıyndar, oıyn tehnologıalary, osy taqyryp boıynsha sózdik qoryn baıytýǵa jáne Uly Otan soǵysy taqyrybyna aǵylshyn tilinde óz pikirlerin aıtýǵa múmkindik berdi.