«Jańa álipbı – jańa dáýirdiń bastaýy» atty semınar-trenıng ótti

2019 jylǵy 24 sáýirde Rýdnyı qalasy ákimdiginiń májilis zalynda «Til, jastar, qoǵam» jobasynyń aıasynda jastar arasynda memlekettik tildi tanymal etýge jáne qazaq tiliniń latyn grafıkasyna kóshýine baılanysty máselelerdi túsindirýge baǵyttalǵan «Jańa álipbı – jańa dáýirdiń bastaýy» atty semınar-trenıng ótti.

Atalǵan  is-sharaǵa  Y.Altynsarın atyndaǵy Rýdnyı áleýmettik-gýmanıtarlyq kolejiniń dırektory J.Qusaıyn, «Tildaryn» oblystyq tilderdi oqytý ortalyǵynyń oqytýshysy A.Mırkemelova, Rýdnyı qalasy ákimdiginiń «Qalalyq tilderdi oqytý ortalyǵynyń» basshysy J.Ermanova,  ádiskeri J.Dosýbaeva, mektep dırektorlary, balabaqsha meńgerýshileri, aqparattyq-túsindirý tobynyń músheleri, ortalyq ádiskerleri qatysty.

Semınardyń moderatory J.Qusaıyn «Jańa álipbı – jańa jahandaný dáýiri» degen baıandamamen sóz bastap, J.Ermanova qalada qazaq álipbıin latyn grafıkasyna kóshirý boıynsha atqarylyp jatqan is-sharalarǵa, oqytýshy A.Mırkemelova jańa álipbıdiń emle-erejesiniń erekshelikterine toqtaldy.

Semınarǵa qatysýshylar óz oı-pikirlerin ortaǵa salyp, usynystaryn aıtty. Joǵaryda aıtylǵan máselelerdi qaraý jáne talqylaý barysynda týyndaǵan suraqtarǵa tolyq jaýaptar berildi.